Алабуга районында «Туристлык сувениры» конкурсына гаризалар кабул итү башланды

«Сәүдәгәрләр шәһәрчеге» оешмасы «Туристлык сувениры — 2026» муниципаль конкурсын уздыру турында игълан итте. Катнашуга яшь буенча чикләүләрсез теләгән барлык осталар һәм җитештерүчеләр чакырыла.

Туристлык сувениры — турист үзенең сәяхәте вакытында истәлеккә сатып ала торган һәм аңарда җирле истәлекле урыннар һәм турпродуктлар (вакыйгалар, маршрутлар, экскурсияләр) белән ассоциацияләр уята торган әйбер.

Гаризалар visit.elabuga@tatar.ru электрон почтасы аша кабул ителә. Катнашу бушлай.

Конкурс, этнографик сувенир, гастрономик брендлар (азык-төлек һәм эчемлекләр), шәһәр, музей сувениры, вакыйгалар, уенчык, шулай ук продукция линейкасы һәм кибетләрне дә кертеп, 11 номинация буенча үткәрелә.

Шунысы мөһим: муниципаль этапта җиңүчеләр автомат рәвештә «Туристлык сувениры» Бөтенроссия конкурсының Идел буе федераль округы финалына юллама алачак, ул 2026 елның сентябрендә Ульяновскида үткәрелә. 

Тулырак мәгълүмат белән конкурс нигезләмәсендә танышырга була.