Алабугада «Пир в мир» фестивалендә ролл әзерләделәр

Узган ялларда Алабугада янә «Пир в мир» гастрономия фестивале узды. Махсус кунак — КФУның Алабуга институты директоры Марат Умаров. Аны хупларга, әлбәттә, вуз студентлары һәм коллектив килде. Аңлашылганча, алар бу юлы әзерләнә торган ризыкны — роллыларны бик яраталар. Марат Умаров сөйләгәнчә, аның гаиләсендә дә бу ризыкны бик яраталар, ә җитәкче үзе Көнчыгыш кухнясын өстен күрә.

Шеф-повар бу ризыкны әзерләүнең барлык этапларын күрсәтте, анда иң мөһиме — дөге, калган ингредиентлар төрле булырга мөмкин, дип билгеләп үтте. Традиция буенча, процесс вакытында кунак белән фестивальнең алып баручысы Григорий Галкин аралашты.

Биредә шулай ук авыл хуҗалыгы продукциясе ярминкәсе дә оештырылган иде. Тамашачыларга бәйрәм кәефен мәдәният һәм сәнгать көллияте студентлары һәм укытучылары булдырды.