Алабугада яшәүче хатын-кызны танышын үтергән өчен хөкем итәләр

Алабугада яшәүче 36 яшьлек хатын-кызга карата җинаять эше судка җибәрелгән. Ул 31 яшьлек танышын үтерүдә гаепләнә, дип хәбәр итә Россия Тикшерү комитетының ТР буенча Тикшерү идарәсе. 

Тикшерү версиясе буенча, фаҗига 2025 елның 20 декабрендә Нефтьчеләр проспектындагы йортның бер фатирында килеп чыга. Исерек хәлдә булган гаепләнүче хатын шәхси дошманлык мөнәсәбәтләре нигезендә танышы белән ачуланыша. Конфликт барышында ул пычак белән ир-атның күкрәк һәм баш өлкәсенә күп тапкыр кадый. Алынган җәрәхәтләрдән зыян күрүче урында ук үлә.

Булган хәл турында хатын-кыз үзе полициягә хәбәр итә.

Ачыкланганча, гаепләнүченең инде криминаль тәҗрибәсе бар — ул шундый ук җинаять өчен хөкем ителгән була һәм 2025 елда гына колониядән чыга.

Суд аның өчен сак астына алу рәвешендә чик кую чарасын сайлаган. Җинаять эше асылы буенча карауга җибәрелгән.