«Алабуга» командасы җанатарларны киләсе уенга чакыра

13нче июль көнне Алабугада ТР Кубогының 1/4 финалы матчы узды, анда кыр хуҗалары Яр Чаллы шәһәреннән «Турбина-Строитель» командасын кабул итте. Очрашу мавыктыргыч булып чыкты һәм уен 3:3 исәбе белән тәмамланды.

17нче минутта исәпне кунаклар Никита Авлиекулов көче белән ачтылар. Алты минуттан Руслан Щербин пенальтины гамәлгә ашырып, исәпне тигезләде. Икенче таймда да Щербин гол кертте, әмма аннары «Турбина-Строитель» уенчылары — Дмитрий Бешлаги һәм Дмитрий Сычев — ярдәмендә көндәш команда алга чыкты. Ахыргы исәпне 75 нче минутта Антони Чиковани билгеләде — 3:3.

Очрашу нәтиҗәләре буенча, Татарстан Республикасы Футбол Федерациясенең регламенты һәм турнир челтәре нигезендә, Кубокның ярымфиналына «Турбина-Строитель» командасы чыкты. Хәзер «Алабуга» ФК игътибарын Татарстан Республикасы Чемпионатында чыгыш ясауга юнәлтә.

Якындагы якшәмбе көнне, 19 июльдә, Алабуга командасы чемпионатның чираттагы матчын үткәрәчәк. «Алабуга» ФК «Үзәк» стадионында Казанның «Алга Групп — Трудовые резервы» командасы белән очрашачак.

Очрашу сәгать 14:00дә башлана. Матч Алабуга шәһәренең Таҗи Гыйззәт урамы, 29 адресы буенча «Үзәк» стадионында узачак.

Җанатарлар өчен керү ирекле. Футбол сөючеләрне кызыклы уен карарга һәм яраткан команда өчен җан атарга чакыралар. Рәхим итегез!