Алабуга Җәмигъ мәчетендә балалар арасында Коръән уку бәйгесе узачак

Алабуга мөхтәсибәте хәбәр итүенчә, бу чара балаларда изге Китапны өйрәнүгә кызыксыну уяту, аларның дини белемнәрен арттыру һәм Коръән нурын күңелләренә сеңдерү максатыннан оештырыла.

Бәйгенең номинацияләре һәм яшь төркемнәре:

Бәйгедә түбәндәге яшь категорияләре буенча катнашырга мөмкин:

• 3–6 яшь;
• 7–9 яшь;
• 10–12 яшь;
• 13–15 яшь;
• 30 җүз (5 яшьтән 15 яшькә кадәрге балалар өчен).

Мөһим: Һәр катнашучы үзе сайлаган бер генә номинациядә катнаша ала.

Бәяләү критерийлары:

Жюри әгъзалары катнашучыларның белемен түбәндәге күрсәткечләр буенча бәяләячәк:

• Ятланган сүрәләр саны.
• Шул сүрәләрдәге ятланган аятьләр саны.
• Коръәнне яттан уку осталыгы.
• Коръәнне Мөсхәфтән (китаптан) уку дәрәҗәсе.
• Катнашучының тышкы кыяфәте.

Бәйге тәртибе:

• Дата: 19 апрель, 2026 ел.
• 8:30 — Катнашучыларны теркәү.
• 9:00 — Бәйгенең тантаналы башлануы.

Урыны: Алабуга шәһәре, Җәмигъ мәчете.

Бәйге ахырында барлык катнашучыларны һәм җиңүчеләрне махсус бүләкләр көтә. Шулай ук кунаклар һәм балалар өчен чәй табыны оештырылачак.