Өлкәннәр ункөнлеге программасы берничә шәһәр мәйданчыгында дәвам итә. Өлкән буын кешеләре өчен иҗади очрашулар, мастер-класслар, концертлар һәм бию кичәсе әзерләнгән.
7 октябрь 13:00 сәгатьтә Яшьләр урамы, 4 нче йортның 2 нче балалар сәнгать мәктәбендә «Яхшы аралашу сәгате» очрашуы һәм «Алтын көз» дип исемләнгән акварель буенча мастер-класс уза.
14:30 да Тукай урамындагы 38 нче йортта урнашкан «Алабуга УкупрПласт» концертлар залында «Ә йөрәктә яшьлек җырлый» дигән концерт үтәчәк. 15:00 сәгатьтә берьюлы өч мәйданчыкта чаралар башлана: «Барс» яшьләр үзәгендә «Акварель көз» мастер-классы, 1нче балалар сәнгать мәктәбендә «Көзге пейзаж» һәм 2нче балалар музыка мәктәбендә «Көз — игелек вакыты» концерты оештырыла.
Көн программасы 18:00 сәгатьтә Яр буе урамындагы 5 нче йортта «Союз» клубында биюләр белән тәмамлана. Барлык чаралар да Алабугада Өлкәннәр ункөнлеге кысаларында уза.
Нет комментариев