Реконструкция эшләре якынча 2,4 километр озынлыктагы участокны колачлый. Эшләрне 2027 елның икенче яртысында тәмамлау планлаштырыла.
Алабугада Төньяк боҗрадан (Северное кольцо) «Алабуга» махсус икътисади зонасы юнәлешендә М-7 федераль трассасына кадәр юлны киңәйтү эшләре дәвам итә.
Реконструкцияләнә торган участокның озынлыгы якынча 2,4 километр тәшкил итә. Проект юлның йөрү өлешен киңәйтүне күздә тота.
Төзелеш-монтаж эшләрен 2027 елның икенче яртысында тәмамларга планлаштыралар. Моңа кадәр барлык эшләрне башкарырга кирәк: территорияне әзерләү, юл нигезен салу, юл өслегенең барлык катламнарын җәю, шулай ук юлга тоташу урыннарын һәм киселешләрне төзекләндерү.
Реконструкция «Алабуга» махсус икътисади зонасы акчалары хисабына финанслана.
Нет комментариев