Эшләр тулы көченә бара, һәм тиздән спортчылар һәм җанатарлар яңартылган киңлекне бәяли алачак.
Алабуга районы башкарма комитеты каршындагы төзелеш Департаменты директоры Константин Новый хәбәр иткәнчә, су белән тәэмин итү, канализация һәм электр челтәрләре күчерелгән инде, трансформатор подстанциясе сүтелгән, коелар монтажланган.
Субайлар барысы да эшләнгән, фундаментлар әзер. Хәзер идәннәрне бетонлау бара. Фахверк стойкаларын — бинаның төп таяныч колонналары арасында арадаш элемент булып хезмәт итүче ярдәмче каркас системасын кертә һәм монтажлый башладылар. Алга таба төп металл конструкцияләрне монтажлау көтелә. Киләсе атнада эшчеләр сэндвич-панельләр урнаштырырга керешәчәк. Аннары түбә һәм эчке бизәү эшләре чираты җитә. Быел төзелешне тәмамлау планлаштырыла.
Янкорманың мәйданы — 1500 квадрат метрдан артык, трибуна астындагы киңлек 400 квадрат метр чамасы. Анда душ бүлмәләре, киенү-чишенү бүлмәләре, тренер бүлмәләре һәм шулай ук яңартылачак электр калканы урнашачак.
Җиңел атлетика манежын киңәйтү җирле, төбәк һәм федераль ярышларны тагын да зуррак уңайлыклар белән уздыру өчен эшләнә. Манеж — мөһим спорт ноктасы, биредә яңа чемпионнар һәм тренерлар үсә.
Нет комментариев