Алабугада меңнән артык өлкән яшьтәге кешене диспансеризация үтү өчен поликлиникага китерделәр

«Гаилә» илкүләм проекты кысаларында «Доверие» халыкка социаль хезмәт күрсәтү үзәге һәм Алабуга үзәк район хастаханәсе 65 яшьтән өлкәнрәк кешеләрне авыл кешеләрен вакцинацияләү, профилактик тикшерү һәм скрининглар үткәрү өчен медицина оешмаларына бушалй китерә.

Проект өлкән яшьтәге кешеләрнең тормыш сыйфатын яхшыртуга һәм актив озак яшәү өчен шартлар тудыруга юнәлдерелгән. Даими медицина тикшерүләре сәламәтлек белән бәйле проблемаларны иртә стадияләрдә ачыкларга ярдәм итә, бу дәвалауны вакытында башларга һәм җитди катлаулануларны булдырмаска мөмкинлек бирә.

Өлкән яшьтәге авыл кешеләрен медицина учреждениесенә федераль бюджет акчаларына сатып алынган махсуслаштырылган автотранспортта китерәләр. Шуның нәтиҗәсендә узган ел Алабуга шәһәр поликлиникасына 1080 кеше килгән. Агымдагы елның 2 аенда 116 кеше диспансеризация һәм медицина тикшерүе узган.