Хокук бозу рейд барышында ачыкланган.
Дәүләт автоинспекциясенең Алабуга бүлеге хезмәткәрләре «Вкусно — и точка» кафесы районында тикшерү уздырган. 30 гыйнварда булган профилактик рейд барышында 15 административ беркетмә төзелә.
Рейд барышында инспекторлар шаккаткыч битарафлык очрагына тап була. Тикшерү барышында ачыкланганча, правасы булмаган ир-ат транспорт чарасы белән идарә итүне үз хатынына тапшыра. Соңрак, хатын-кызның да машина йөртү хокукы булмавы ачыклана. Нәтиҗәдә ир белән хатынга карата тиешле материаллар төзелә, ә машина эвакуацияләнә.
Моннан тыш, дәүләт автоинспекторлары кайбер башка хокук бозуларны ачыклаган:
- 8 машина йөртүче куркынычсызлык каешын эләктермәгән;
- 2 транспорт чарасының техник җитешсезлекләр булуы ачыкланган;
- 1 машина йөртүче җәяүлегә өстенлек бирмәгән.
Шулай ук теркәлү билгеләре булмау һәм номерлары укылмый торган автомобиль белән идарә итү очраклары теркәлгән.
Нет комментариев