Уңайлы һәм тиз: район газеталарына өйдән чыкмыйча ничек язылырга

Алабугада 2026 елның икенче яртыеллыгына «Новая Кама» һәм «Алабуга нуры» район газеталарына язылу дәвам итә. Укучылар өчен язылуның берничә уңайлы юлы каралган.

Бәясе һәм китерү вариантлары:

• Почта аша язылу, газетаны хат ташучы өйгә китереп бирә: Һәр басмага ярты елга язылу бәясе — 999 сум.

• Үзең барып алу (самовывоз): Газеталарны үзләре килеп алучылар өчен махсус бәя гамәлдә — 699 сум. Басмаларны түбәндәге пунктлардан алырга мөмкин:

 — Редакция (Төзүчеләр урамы, 16а);

 — Үзәк китапханә;

 — «Созвездие» мәдәни үсеш үзәге;

 — «Барс» яшьләр үзәге.

Билгеләп үтик, «Алабуга нуры» газетасы районда татар телендә чыга торган бердәнбер басма.

Язылу ысуллары:

Газеталарга берничә ысул белән язылырга була:

1. Онлайн һәм телефон аша:

• 3-81-11 номерына шалтыратып;
• 8-908-338-36-89 номеры буенча мессенджерларга язып;
• Онлайн-сервислар аша: podpiska. pochta. ru, tatmedia. ru/podpiska яки Дәүләт хезмәтләре порталындагы «Шәхси кабинет» аша.

2. Шәхсән барып:

• Газета редакциясендә;
• Почта элемтәсе бүлекчәләрендә.