Татарстанда Пилотсыз системалар гаскәрләренә хезмәткә җыю буенча сайт эшли башлады

Татарстанда Пилотсыз системалар гаскәрләренә контракт буенча хезмәткә җыю буенча сайт эшли башлады. Бу хакта контракт буенча хезмәткә сайлап алу пункты офицеры Егор Горячев сөйләде, дип яза «Татар-информ».

«Бу сайтта РФ Оборона министрлыгы белән контракт төзү турындагы барлык мәгълүматны — гамәлдәге түләүләр, ташламалар һәм башка социаль гарантияләр турында белергә мөмкин. Сайтта гражданин заявканы онлайн калдыра ала, соңрак аның белән элемтәгә керәчәкләр һәм аның барлык сорауларына җавап бирәчәкләр», — дип сөйләде Егор Горячев.

Исегезгә төшерәбез, 1 гыйнвардан Татарстанда РФ Оборона министрлыгы белән контракт төзергә теләүче гражданнарга түләүләрне 2,9 млн сумга кадәр арттырдылар, бу илдә иң югары түләүләрнең берсе һәм Идел буе федераль округында иң югарысы. Моннан тыш, нәкъ менә Татарстанда СВОда катнашучыларга һәм аларның гаиләләренә ярдәм итүгә юнәлдерелгән өч меңнән артык муниципаль акт кабул ителгән.

Татарстанда пилотсыз системалар гаскәрләренә хезмәт итү контрактына кул куярга теләүчеләр өчен аерым кайнар линия ачылган, аңа 117 номерына шалтыратып һәм 4 нче төймәгә басып эләгергә мөмкин. Әгәр дә кандидат беренчел параметрлар буенча пилотсыз системалар гаскәрләренә контракт төзү өчен туры килә икән, аның мәгълүматларын белгечкә сайлап алу пунктына тапшырачаклар.

Яңа гаскәр сугышчылары очучы, йөзүче һәм җир буйлап очучысыз хәрәкәт итүче бөтен нәрсә белән идарә итәчәк. Пилотсыз системалар гаскәрләрендә хезмәт итүнең төп үзенчәлекләренең берсе — контрактның бер елга гына төзелүендә һәм автомат рәвештә озайтылмавында. Моннан тыш, хәрби хезмәткәрне башка гаскәрләргә күчермәячәкләр, укулар Татарстан белән күрше төбәкләрдә кимендә ике ай узачак.