Татарстанда кулланучылар хокукларын бозу мәсьәләләре буенча кайнар линия эшли башлады

Татарстанда кулланучылар хокукларын бозу мәсьәләләре буенча кайнар линия эшли башлады, дип яза «Татар-информ». 

Консультацияләр 15 мартта билгеләп үтелә торган Бөтендөнья кулланучылар хокуклары көненә багышланган. 2026 елда чаралар «Safeproducts, Confident Consumers» — «Имин товарлар, ышанычлы кулланучылар» девизы астында уза, дип хәбәр итә Роспотребнадзорның ТР буенча матбугат хезмәте.

Ведомство белгечләре 9-20 март көннәрендә республика халкыннан шалтыратулар кабул итәчәк.

Сорауларны түбәндәге телефоннар буенча бирергә мөмкин:

• 8 (986) 901-03-17 — Роспотребнадзорның ТР буенча идарәсе;

• 8 (843) 221-90-16 — «Татарстан Республикасында Гигиена һәм эпидемиология үзәге» федераль бюджет учреждениесенең консультация үзәге.