Татарстанда яз буран һәм +1 градуска кадәр җылы белән башлана

Республикага җылы һәм бураннар килә. Бу ТР Гидрометеорология үзәге фаразыннан билгеле булды.

Бүгеннән башлап 1 мартка кадәр төбәктә һава торышын төньяк-көнбатыш циклон фронтлары билгеләячәк.

Бүген, 27 февральдә, Татарстанда урыны белән бераз кар явачак. Төнлә республиканың көнбатышында уртача кар яву көтелә. Төнлә һәм иртәнге сәгатьләрдә кайбер районнарда томан төшәчәк. Тәүлекнең караңгы вакытында һава температурасы −6..-11 градус, ә аязганда −15 градуска кадәр була. Көндез −2..-7 градуска кадәр җылыта.

Шимбә, 28 февральдә, төбәк территориясендә вакыт-вакыт кар явачак. Шулай ук җиңелчә буран булу ихтимал. Төнлә термометр баганалары −4..-9 градуска кадәр (көнчыгышта аязганда −12 градуска кадәр) төшәчәк, ә көндез һава температурасы −1..-6 градуска кадәр артачак.

Якшәмбе, 1 мартта, Татарстанда һава торышы сизелерлек үзгәрмәячәк. Кар явачак. Көндез урыны белән җепшек кар яварга мөмкин. Кайбер районнарда җиңелчә буран булу ихтимал. Юлларда кар боткасы һәм бозлавык барлыкка киләчәк. Температура фоны артачак: төнлә −2..-7градуска кадәр (көнчыгышта аязганда −10 градуска кадәр), көндез −4..+1 градуска кадәр.

Метеорологларның якынча мәгълүматларына караганда, киләсе атна башында актив төньяк-көнбатыш циклоны республика территориясенә кар һәм җепшек кар алып киләчәк. Һава температурасы җылыну дәвам итәчәк: төнлә −1..-6 градуска кадәр һәм көндез −2..+1 градуска кадәр.