Татарстанда физика, химия һәм биология укытучыларына 345 мең сумга кадәр премияләр кертелә

Татарстанда физика, химия һәм биология укытучылары өчен бер тапкыр бирелә торган түләүләр программасы проектын эшләделәр. Башлангыч хәзерге вакытта коррупциягә каршы экспертиза уза, дип яза «Татар-информ».

Документ нигезендә, бүләкләү күләме квалификациягә һәм эш стажына карап 230 меңнән 345 мең сумга кадәр тәшкил итәчәк. Максималь түләүне — 345 мең сумны — югары категорияле һәм зур тәҗрибәле укытучылар ала алачак. 5 елга кадәр стажы булган педагогларга 288 мең сум, ә мәктәпләрдә өстәмә рәвештә эшләүче югары уку йорты укытучыларына — 230 мең сум каралган.

Түләүне алу өчен берничә критерийны үтәргә кирәк. Аерым алганда, чыгарылыш сыйныф укучыларының кимендә 10%ы Бердәм дәүләт имтиханында (ЕГЭ) 80 һәм аннан да күбрәк балл җыярга, укучылар — олимпиадаларда призлы урыннар яуларга, ә педагоглар үзләре мәгариф чараларын уздыруда катнашырга тиеш.

Түләүләрнең конкурс нигезендә бирелүе планлаштырыла. Җиңүчеләргә акчалар сайлап алу нәтиҗәләре ясалганнан соң 45 эш көне эчендә берьюлы тапшырылачак.