Алабуга районы мәгариф идарәсе җитәкчесе Салават Гыймранов педагогларны, мәгариф учреждениеләре хезмәткәрләрен һәм педагогик хезмәт ветераннарын һөнәри бәйрәмнәре белән котлады.
«Укытучыларның исемнәре гомерлеккә безнең белән кала»
Хөрмәтле педагоглар, мәгариф учреждениеләре хезмәткәрләре, педагогик хезмәт ветераннары! Сезне чын күңелдән һөнәри бәйрәмебез — Укытучылар көне белән котлыйм!
Әгәр дә теләсә кайсы кешедән үзенең тормыш юлында иң зур эз калдырган, шәхес буларак формалашуына йогынты ясаган кешеләрнең исемнәрен атауны сорасаң, бу исемлектә һичшиксез Укытучыларның исемнәре булачак. Бу сүзне без мәгарифебезгә җаннарын салган кешеләргә карата нәкъ менә шулай, зур хәреф белән әйтәбез.
Укытучылар көне — педагогларыбызга тирән рәхмәт белдерү, безне үз үрнәкләре белән өйрәткән беренче остазларны искә алу өчен менә дигән мөмкинлек. Балаларыбызның нинди булып үсүе, нинди әхлакый кыйммәтләргә ия булуы, илдә нинди киләчәк төзүләре күп очракта педагогның талантына һәм шәхесенә бәйле.
Талант һәм осталык таләп итә торган һөнәр
Укытучыга беркайчан да җиңел булмады, тормыш даими рәвештә югары таләпләр куя: укыту технологияләре, уку программалары үзгәрә, яңа белем бирү стандартлары кертелә. Әмма белем бирү өлкәсен модернизацияләү һәм компьютерлаштыру чорында да педагогның талантын һәм осталыгын бер генә заманча компьютер да алыштыра алмаячак. Бары тик Сез генә киң фикер йөртергә һәм рухи яктан үскән кеше булырга сәләтле, максатчан шәхес тәрбияли аласыз.
Алабуга районы үзенең педагоглары белән горурлана
Алабуга муниципаль районы үзенең укытучы кадрлары белән хаклы рәвештә горурлана. Хөрмәтле педагоглар, Сез Россия педагогикасының традицияләренә тугрылыкны сакларга һәм шул ук вакытта укыту процессына инновацион эшләнмәләр кертеп, заман белән бергә атларга омтыласыз. Балаларга мәхәббәт, югары квалификация, тәҗрибә һәм талант — бу күркәм сыйфатлар безнең район педагогларына хас.
Педагогик хезмәт ветераннарына аерым сүзләр
Сезгә, хөрмәтле укытучылар, һөнәри бурычыгызга тугрылыгыгыз, балаларга көн саен бүләк итә торган рухи җылыгыз өчен иң ихлас рәхмәт сүзләрен җиткерергә рөхсәт итегез. Педагогик хезмәт ветераннарына, мәгариф системасын үстерүгә һәм үсеп килүче буынны тәрбияләүгә өлеш керткән затларга чиксез рәхмәтемне белдерәм. Авыр, әмма шундый игелекле һәм рәхмәтле хезмәтегез өчен рәхмәт сезгә! Ныклы сәламәтлек, бәхет, укучыларның һәм ата-аналарның ихтирамы, иминлек һәм педагогик эшчәнлектә яңа җиңүләр насыйп булсын!
Ихтирам белән, «АМР мәгариф идарәсе» МКУ башлыгы С. М. Гыймранов
Нет комментариев