Район газетасы 2027 елдан бердәм ике телле форматка күчә

Рус һәм татар басмалары бер тышлык астында берләшә

Хөрмәтле укучыларыбыз! Көзгә аяк басу белән 2027 елның I яртыеллыгына язылу кампаниясе башланды. Без яңа сезонга мөһим үзгәрешләр белән аяк басабыз: киләсе елда район газетасы яңа форматта чыгачак.

Күп еллар дәвамында без ике аерым басма — рус һәм татар телләрендә газеталар чыгарып килдек. Бүгенге көн икътисад өлкәсендә яңа бурычлар куя. Район матбугатын саклап калу, аның тотрыклы чыгуын һәм алга таба үсешен тәэмин итү максатыннан, басмаларны бер тышлык астында берләштерү турында карар кабул ителде.

Хәзер укучыларыбыз газетаның бердәм санын алачак: 8 бит рус телендә, 4 бит татар телендә булачак. Безнең өчен аеруча мөһиме — татар телендәге өлеш сакланып кала һәм даими чыгып барачак. Моннан тыш, ул мәдәнияткә, тарихка, гореф-гадәтләргә, якташларыбыз язмышына, иҗатка һәм туган телдәге эксклюзив материалларга багышланган аерым тематик блок булачак.

Районның барлык мөһим яңалыклары бер басмада тупланачак

Яңа формат өстәмә мөмкинлекләр дә ача:

• районның иң мөһим яңалыкларының барысы да бер басмада тупланачак;
• укучылар материаллар белән берьюлы ике телдә таныша алачак;
• газета тагын да уңайлырак һәм бербөтен булачак.

Үзгәрешләр үзебезгә дә җиңел бирелми. Ләкин иң мөһиме үзгәрешсез калачак: газетабыз район тормышы, кешеләр, вакыйгалар һәм традицияләр турында сөйләвен дәвам итәчәк, буыннарны бәйләүче буларак мәдәни мирасны саклауга үз өлешен кертәчәк.

2027 елның I яртыеллыгына язылу башланды

2027 елның I яртыеллыгына язылу бәясе:

• почта аша, өйгә китерү белән — 1200 сум;
• редакциядән, Үзәк китапханәдән, «Созвездие» мәдәни үсеш үзәгеннән, «Барс» яшьләр үзәгеннән үзең килеп алу — 750 сум;
• редакция машинасы белән оешмаларга китерү — 780 сум.

Безгә ышанычыгыз, ярдәмегез һәм район газетасына тугры булуыгыз өчен рәхмәт белдерәбез. Нәкъ менә укучыларыбыз ярдәмендә газетабыз яши һәм үсешен дәвам итә. Хөрмәт белән, баш мөхәррир Сабина Качаева