Казанда СССРның бер сумлык купюрасын 3 млн сумга саталар

Казанда яшәүче хатын-кыз 1 сум номиналлы совет купюрасын 3 млн сумга сата, дип яза «Татар-информ».

Махсуслаштырылган сайтларның берсендә урнаштырылган белдерү нигезендә, сатуга 1961 елгы купюра куелган.

«Сату бәясе купюраның үз базар бәясеннән шактый артып китә, аны сатып алудан акчалар бары тик изге эшләргә генә юнәлдереләчәк», — диелгән белдерүдә.

Сатучы раславынча, әлеге купюраны сатып алган кеше «кешеләрнең тормышын яхшы якка үзгәртү мөмкинлеге алачак».