Елан белән очрашу — куркыныч хәл. Ләкин сөйрәлүчеләрнең үз-үзләрен тотышын белү һәм тешләгән очракта дөрес ярдәм күрсәтү паникага бирелмәскә булыша. Герпетолог Владимир Черлин елан чакканда нәрсә эшләргә кирәклеген аңлатты.
Еланнар, гадәттә, кешегә беренче булып һөҗүм итми. Куркыныч сизгәндә яки аларны тотарга тырышканда гына үзләрен яклап тешләргә мөмкин. Шуңа күрә урманда үлән арасын, таш астын яки начар күренә торган урыннарны кул белән тикшермәскә кирәк.
Елан чаккан икән, иң мөһиме — тынычлык саклау һәм азрак хәрәкәтләнү. Белгеч жгут салырга киңәш итми. Тешләнгән урынны эшкәртеп, бәйләргә һәм зыян күргән кешене мөмкин кадәр тизрәк медицина учреждениесенә илтергә кирәк.
Еланны тотарга яки үтерергә тырышу да куркыныч: нәкъ менә шундый гамәлләр җәрәхәт алуга китерергә мөмкин. Табигатьтә саклык күрсәтү — иң яхшы профилактика.
Нет комментариев