Биш ел эчендә Татарстанда сабыйлар үлеме ике тапкырга кимегән
Россия Федерациясендә сабыйлар үлеме буенча иң аз күрсәткечләр буенча Татарстан өченче урында тора.
Соңгы биш елда 2021 елдан башлап Татарстанда сабыйлар үлеме ике тапкырга кимеде. Бу хакта Республика балалар клиник хастаханәсенең йомгаклау медицина советында аның баш табибы Айрат Зиатдинов хәбәр итте, дип яза «Татар-информ».
«2025 елга безнең төп бурычларның берсе сабыйлар үлемен киметү булды. Без планлаштырылган нәтиҗәне узып киттек һәм рекордлы күрсәткечкә — 1,9 промиллегә җиттек», — диде ул.
Биш ел элек күрсәткеч 4 промилле тәшкил иткән. Зиатдинов билгеләп үткәнчә, Татарстан Россия Федерациясендә сабыйлар үлеме буенча иң аз күрсәткечләр буенча өченче урында тора.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев