«Безнең ишегалды» программасы: Алабугада быел 13 ишегалды территориясе яңартыла

Районда Татарстан Рәисе Рөстәм Миңнеханов инициативасы белән «Безнең ишегалды» республика программасын гамәлгә ашыру дәвам итә. Эшләр инде тулы куәтенә бара: сигез ишегалдында юл төзелеше бара, ә җидесендә яктырткычлар тулысынча монтажланган. Кече архитектура формалары июнь аенда кайтачак.

Быел безнең районда бу программа тәмамлана. 2026 елда барлыгы 13 ишегалды территориясе яңартыла: 12се — Алабугада һәм берсе — авыл җирлегендә.

Әлеге максатларга 38 млн сум юнәлдерелгән. Аларның 30 миллионга якыны юл эшләренә китәчәк, калганы — яктыртуга һәм кече архитектура формаларына.

Район башкарма комитеты җитәкчесенең инфраструктура үсеше буенча урынбасары Андрей Томилин сүзләренә караганда, юл эшләрен июнь аенда — планлаштырылган вакыттан бер айга иртәрәк тәмамларга планлаштыралар.