Бәйрәм ялы якшәмбе, 8 марттан, дүшәмбегә күчерелә

Март башында Россиялеләр өч көн рәттән ял итәчәк. Бу Халыкара хатын-кызлар көненең якшәмбегә туры килүе белән бәйле, ә ял көне дүшәмбе, 9 мартка күчерелә. Бу хакта Президент академиясе эксперты Татьяна Подольская хәбәр итте, аның сүзләрен «РИА Новости» китерә.

Шулай итеп, биш көнлек график буенча эшләүчеләр өчен ял көннәре 7 марттан 9 мартка кадәр дәвам итәчәк.

Подольская шулай ук айның икенче эш атнасы кыскартылачак — ул дүрт көн дәвам итәчәк һәм 10 мартта башланачак, дип ачыклык кертте.