Алабугалылар фиджитал-спорт буенча Татарстан Рәисе кубогында катнаштылар

Казанның IT-паркында беренче тапкыр МХО катнашучылары һәм ветераннары арасында фиджитал-спорт буенча Татарстан Республикасы Рәисе Кубогы узды. Алабуга хәрбиләре республиканың 16 районыннан 60 спортчы арасына керде. Спортчылар бишәр кешелек 8 командадан торган ике төркемдә көч сынашты. Башта «Counter-Strike 2» не уйнадылар, ә аннары лазертаг уенында көрәштеләр.

Алабугалылар мондый ярышларда беренче тапкыр катнашканлыктан, призлы урынны яуламадылар. Әмма потенциал бар — димәк, киләсе елда лаеклы чыгыш ясау өчен алга таба шөгыльләнергә кирәк. Моннан тыш, бу уеннар — спортчылар өчен ярыш кына түгел, ә алгы сызыктан кайтканнан соң тыныч тормышка җайлашу мөмкинлеге дә. Ветераннар шәһәр җитәкчелегенә һәм «Ватанны саклаучылар» фондына ярдәмнәре һәм игътибар өчен аерым рәхмәт белдерә.