Алабугалылар «Ел хатын-кызы. Ел ир-аты» конкурсның зона этабында җиңү яулады

4 февральдә Яр Чаллыда «КАМАЗ» Мәдәният сараенда «Ел хатын-кызы. Ел ир-аты: хатын-кыз карашы» республика бәйгесенең зона этабы үтте. Анда Яр Чаллы, Алабуга һәм Тукай районнарыннан 31 конкурсант катнашты. Жюри карары буенча югары әзерлек күрсәткән барлык катнашучылар да әлеге этапта җиңүчеләр дип танылды.

Алабуга районын конкурста төрле өлкәләрдә уңышларга ирешкән биш лаеклы кеше тәкъдим итте:

• «Хатын — кыз-ел үрнәге» номинациясендә «Барс» яшьләр үзәгенең өстәмә белем бирү педагогы Тамара Смирнова җиңде.

• «Хатын-кыз-лидер» номинациясендә «Барс» үзәгенең «Яшь десантчы» яшүсмерләр клубы мөдире Венера Носырева җиңү яулады.

• «Минем язмышым — минем һөнәрем» номинациясендә Алабуга өлкәннәр һәм инвалидлар интернат-йортының шәфкать туташы Зөлфия Агләмова иң яхшысы дип танылды.

• «Ир-ат-лидер» номинациясендә шәхси эшмәкәр Нурислам Кадыйров җиңде.

• «Ир-ат — игелекле йөрәк» номинациясендә бүләкне «Благомир» фондының гамәлгә куючы-координаторы Юрий Лепехин (Гавриил атакай) алды.

Барлык җиңүчеләр дә ТР Рәисе Рөстәм Миңнеханов белән очрашуга чакырылачак.