Хәрбиләргә бүләкләр сугышчан бурычларын үтәгәндә күрсәткән батырлыклары өчен тапшырылды.
Бүген Алабугада узган гомумшәһәр планеркасында махсус хәрби операциядә катнашучыларны бүләкләү тантанасы булды. Бу хакта үзенең MAX-каналында Алабуга районы башлыгы хәбәр итте.
Югары бүләкләрне Александр Леонидович Кених, Александр Владимирович Кочнев, Владимир Александрович Кривилев, Дмитрий Львович Ахматов һәм Альберт Николаевич Мустаевка тапшырдылар.
Район башлыгы билгеләп үткәнчә, бүләкләр якташларыбызның махсус хәрби операция барышында хәрби бурычларын үтәгәндә күрсәткән батырлыклары өчен бирелде.
«Хөрмәтле геройларыбыз, без сезнең батырлыгыгыз белән горурланабыз. Сезгә дан һәм хөрмәт», — дип язды Алабуга районы башлыгы.
Нет комментариев