Алабугада «Террорсыз дөнья» видеороликлар конкурсында җиңүчеләр билгеле булды

Шәһәрдә 2026 елның мартында узган «Террорсыз дөнья» онлайн-видеороликлар конкурсына нәтиҗә ясадылар. 4 мартта катнашучыларны һәм җиңүчеләрне бүләкләү тантанасы булды.

Конкурска тәкъдим ителгән эшләр иҗади проектлар гына түгел, ә тынычлыкка, иминлеккә һәм бердәмлеккә өндәү булды. Оештыручылар билгеләп үткәнчә, катнашучыларның һәрберсе актив гражданлык позициясе һәм мөһим темага битараф булмавын күрсәткән.

Конкурс җиңүчеләре:

Беренче урын — Алабуга политехник көллияте командасы «Мы против террора» видеоролигы белән

Икенче урын — Алабуга мәдәният һәм сәнгать көллияте командасы «Форпост ЕККИ предупреждает!» видеоролигы белән

Өченче урын — КФУ институтының Алабуга көллияте командасы «Мы — ЗА МИР!» видеоролигы белән.

Калган катнашучылар дипломнар алды. Иҗаты белән җәмгыятьтә террорчылыкка каршы аң формалаштыруга ярдәм иткән һәркемгә оештыручылар рәхмәт белдерә.