Алабугада «Пир в мир» гастрономия фестивале кичке вакытта узачак

Алабугада «Пир в мир» гастрономия фестивале хәзер кичке вакытта узачак. Чираттагы чара 30 майда Ленин мәйданында уза. Программаның башлануы 17:00 сәгатькә планлаштырылган.

Бу юлы фестиваль кунакларын яңа кулинария мастер-классы көтә. Пиццерия шеф-повары белән бергә катнашучылар тавык ите һәм ананас белән кыздырылган дөге әзерләячәк.

Фестиваль программасында:

• Шәһәр мәдәният сарае коллективы әзерләгән концерт программасы;
• Балалар өчен мастер-класслар һәм уен-көлке;
• Сувенирлар сату;
• Сабантуйга бүләкләр җыю;
• Викторина. 

Искәрмә: Викторинада җиңгән ике кеше кичке ашка баруга сертификат алачак.

Фестивальнең махсус кунагы — Алабуга муниципаль районы Ветераннар советы рәисе Геннадий Петрович Баганов.

Программаны танылган шоумен һәм артист Григорий Галкин алып бара.

Шәһәр халкы һәм кунаклары Ленин мәйданына килеп, кичне күңелле уздырырга һәм гастрономия фестиваленә кушылырга чакыралар.