Алабугада «Пир в мир» гастрономия фестивале: 25 апрельгә чаралар программасы

Бу шимбәдә, 25 апрельдә, Алабуга янәдән төбәкнең кулинария башкаласына әйләнә. Ленин мәйданында тәмле ризык, сыйфатлы музыка һәм халык традицияләрен яратучыларны берләштерүче «Пир в мир» масштаблы гастрономия фестивале узачак.

Программаның төп бизәге — «Приют человека» хәйрия проектының шеф-повары әзерләгән дәмләмә булачак. Кунаклар бу хуш исле ризыктан авыз итеп кенә калмыйча, Алабуга кулинарларының осталыгына бәя бирә алачак.

Фестиваль 12:00 сәгатьтә башлана һәм кунакларга һәркемнең күңеленә хуш килерлек чаралар тәкъдим итә:

• Концерт программасы: сәхнәдә ТРның атказанган артисткасы Диләрә Мироваева, Илбар Сәмигуллин, Айсылу Жетыбаева һәм Виктор Япаев чыгыш ясаячак. Бәйрәмне Григорий Галкин алып бара.

• Махсус кунак: Алабуга районы имам-мөхтәсибе Хәлим хәзрәт Шәмсетдинов.

• Ярминкә һәм сувенирлар: Мәйданчыкта авыл хуҗалыгы ярминкәсе оештырылачак, анда җирле фермерлар җитештергән азык-төлек һәм сувенирлар сатып алырга мөмкин.

0+