Алабугада яшүсмерләрне БПЛА белән идарә итәргә өйрәтү буенча грант проекты әзерләнә

Быел «Барс» яшьләр үзәге тагын бер перспективалы грантка гариза бирергә планлаштыра. Оешмада уңышка бик өметләнәләр, чөнки проект бүгенге көн өчен аеруча мөһим. «Яшьләр һәм балалар» илкүләм проекты кысаларында әлеге үзәк яшүсмерләрне пилотсыз очу аппаратлары (БПЛА) белән идарә итәргә өйрәтү буенча уникаль программа булдыруга финанслау алырга планлаштыра.

Грант акчалары балигъ булмаганнар эшләре буенча исәптә торучы яшүсмерләрне БПЛА белән идарә итүгә өйрәтүгә юнәлдереләчәк. Программада — программалаштыру буенча махсус курс, пилотсыз очкычларны җыю һәм сүтү буенча дәресләр, шулай ук маневрлар буенча практикумнар. Очу күнекмәләрен эшләп карау өчен яшьләр үзәге территориясендә вакытлыча гөмбәз урнаштырачаклар. Моңа 3 млн сум акча кирәк.