ХӘБӘРЛӘР
Алабугада 4 мең квадрат метр мәйданда законсыз чүплек табылган
Татарстан Экология һәм табигый байлыклар министрлыгы мәгълүматларына караганда, калдыклар «Урожай» бакчачылык ширкәте территориясендә урнашкан.
Алабугада экологлар зур законсыз чүплекне ачыклаган. ТР Экология министрлыгының Чулман буе территориаль идарәсе инспекторлары әлеге кагыйдә бозуны санитар-экологик икеайлык кысаларында теркәгән.
Чүплекнең зурлыгы:
- Гомуми мәйданы: якынча 4 000 квадрат метр;
- Калдыклар күләме: 300 кубометрга якын.
Ведомство хәбәр иткәнчә, Алабуга районы башкарма комитетына табигатьне саклау законнары таләпләрен бозмау турында кисәтү юлланган. Шулай ук чүплекне тиз арада юк итү таләбе куелган.
Фото: ТР Экология министрлыгы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев