Александр Поповның табиблык өлкәсендә дә, җитәкчелек эшчәнлегендә дә тәҗрибәсе зур.
Бүген шәһәркүләм киңәшмәдә Алабуга үзәк район хастаханәсенең яңа баш табибы — Александр Борисович Поповны рәсми рәвештә тәкъдим иттеләр.
Район башлыгы урынбасары Александр Косов Александр Поповның табиблык өлкәсендә дә, җитәкчелек эшчәнлегендә дә зур тәҗрибәсе барлыгын билгеләп үтте. Соңгы эш урыны — «Алабуга» махсус икътисади зонасы, анда ул медицина хезмәтен җитәкләгән.
— Үзебезнеке, Алабуганыкы. Барлык проблемаларны, сорауларны белә. Александр Борисович, Сезгә уңышлар, алабугалылар игелеге өчен бергәләп нәтиҗәле эшләүне телим, — диде Александр Косов.
Нет комментариев