Алабуга «Тоталь диктант» акциясенә кушылды

Бүген, 2026 елның 18 апрелендә, КФУның Алабуга институтында «Тоталь диктант» узды. Акция сәгать 14:00дә башланды. Алабугалылар үзләренең грамоталылыгын тикшерә алдылар.

Быел диктантны бөтен дөньяда — 55 илдә яздылар. Россиядә 1000нән артык мәйданчык эшләде. Чит илләрдә диктантны 140 шәһәрдә яздылар.

Быел акциянең башкаласы итеп Улан-Удэ билгеләнгән иде. Алабуга да акциядән читтә калмады. Биредә диктант өчен мәйданчык итеп Алабуга институты сайланды. 

Диктантның текст авторы — Алексей Варламов. Ул язучы һәм Әдәбият институты ректоры. Текст «Пушкин. Фамилия» дип атала. Ул Пушкинның балачагына багышланган.

Алабугада катнашучылар текстның өченче өлешен яздылар. Ул " Наперсница волшебной старины" дип атала. Диктор һәр җөмләне өч тапкыр укыды. Кагыйдәләр шулай таләп итә.

Рус теле һәм әдәбияты кафедрасы барлык катнашучыларга рәхмәт белдерә. Килүегез өчен рәхмәт!