Алабуга политехника көллиятенең «Яшь гвардия» активистлары бик мөһим проект башлап җибәргән. Ул «Наш вклад: Студенческая 3D-мастерская для фронта» дип атала.
Студентлар берләшеп, үз белемнәрен һәм заманча технологияләрне Ватаныбызны саклаучыларга ярдәм итү өчен кулланырга булган. Алар остаханә оештырган, анда 3D-принтерлар ярдәмендә алгы сызыктагы хәрбиләргә кирәкле әйберләр әзерлиләр.
Бу гади уку яки мавыгу гына түгел, ә чын ярдәм. Студентлар бастырган һәр деталь, үз куллары белән ясаган һәр әйбер — аларның кайгырту һәм ярдәм итү теләгенең бер өлеше. Мондый башлангычлар бик мөһим: алар яшь буынның битараф булмавын, үз инициативасы белән эш итәргә һәм чыннан да кирәк булган урында ярдәм күрсәтергә әзер булуын күрсәтә.
Нет комментариев