Экологик акциягә предприятие хезмәткәрләре, КФУ студентлары һәм җирле халык та кушылды. Кайбер катнашучылар үзләре үстергән үсентеләрне алып килгән иде.
Алабуга районында «Урманны саклыйк!» бөтенроссия акциясе кысаларында агач үсентеләре утырттылар. Катнашучылар уртак тырышлык белән ике меңнән артык чыршы утыртты.
Урманчылык һәм урман хуҗалыгы хезмәткәрләре белән бергә яшелләндерүгә «Алабуга» махсус икътисади зонасының «Экология» модуленнән СААЖ һәм эксплуатация һәм энергетика идарәсе коллективлары да кушылды. Агач утыртуда КФУның биология факультеты студентлары да актив катнашты.
Ирле-хатынлы Наилә һәм Корнелиус аеруча аерылып тордылар, алар экологик чараларда даими катаншырга тырыша. Бу юлы алар орлыктан үзләре үстергән яшь агачлар алып килгәннәр иде.
Эшләр тәмамланганнан соң, катнашучылар бергәләшеп чәй эчәргә җыелды.
Нет комментариев