Казанда беренче ярдәм күрсәтү буенча республика чемпионаты узды. Алабугадан дүрт команда чыгыш ясады, шуларның берсе бронза медаль белән кайтты.
Алабуга медицина көллиятенең «Код Первых» командасы Казанда узган беренче ярдәм күрсәтү буенча республика чемпионатында өченче урынны яулады.
Ярышларда Алабугадан муниципаль этапны уңышлы узган дүрт команда катнашты. Аларның өчесе Алабуга медицина көллиятеннән, тагын берсе — «Поспелово» командасыннан иде.
Республика этабы нәтиҗәләре буенча призерлар рәтенә «Код Первых» командасы керде. Катнашучылар, әзерлек нәтиҗәләрен һәм бергәлек белән эшли белүләрен күрсәтеп, өченче урынны алдылар.
Бронза медаль команданы ярышларга әзерләгән катнашучылар һәм аларның остазларының уртак тырышлыгы нәтиҗәсе булды.
Нет комментариев