2032 елга Татарстанга 360 мең белгеч кирәк булачак: кайсы һөнәрләр өстенлекле?

Татарстанны зур күләмле кадрлар ихтыяҗы көтә: 2032 елга кадәр төбәккә 360 меңгә якын яңа хезмәткәр җәлеп итәргә кирәк булачак. Ел саен якынча 50 мең вакансияне ябарга кирәк. Бу хакта ТР Хезмәт, мәшгульлек һәм социаль яклау министры Эльмира Зарипова хәбәр итте, дип яза «Татар-информ».

Төп тармаклар ‑ ихтыяҗ буенча лидерлар:

• Эшкәртү сәнәгате һәм бюджет секторы — елына 8 меңгә кадәр кеше.
• Сәламәтлек саклау һәм мәгариф — елына 7 меңгә якын белгеч.
• Транспорт тармагы — 6 мең кеше.
• Төзелеш эшләре — 4 мең кеше.

Шул ук вакытта ваклап сату, пластмасса һәм азык-төлек продуктлары җитештерү кебек аерым өлкәләрдә кадрларга еллык ихтыяҗ якынча 1 мең кешегә кими. Бу яңадан укытуның сыгылмалы сәясәтен һәм хезмәт базарын оптимальләштерүне таләп итә.

Ярдәм һәм яңадан укыту:
2025 елда республикада өстәмә һөнәри белем бирү программасын 10 мең кеше узды инде. Квалификацияне үзгәртү өчен туры килә торган курсларны «Россиядә эш» цифрлы платформасында табарга мөмкин. Мәшгульлекне стимуллаштыру эше «Кадрлар» илүләм проекты кысаларында алып барыла.