«Тоннель» рейды Алабуга районында 25 хокук бозу очрагын ачыклады
Дәүләт автоинспекциясе хезмәткәрләре Алабуга — Гари — Абалач трассасында автомобильчеләрне тикшерде. Еш кына машина йөртүчеләр тонировка һәм куркынычсызлык каешларын куллану таләпләрен бозган.
5 августта Алабуга — Гари — Абалач автомобиль юлында «Тоннель» оператив-профилактик чара узды. Тикшерү нәтиҗәләре буенча автоинспекторлар юл хәрәкәте кагыйдәләрен бозуның 25 очрагын ачыклаган.
Иң күп кисәтүләр автомобильләрне тонировкалауга кагылган — шундый ун очрак теркәлгән. Тагын тугыз машина йөртүче яки пассажир куркынычсызлык каешын куллану турындагы таләпләрне бозган.
Өч хокук бозу транспорт чараларының техник төзексезлеге белән бәйле, икесе — иминият полислары белән. Тагын бер автомобильдә укылмый торган дәүләт теркәү билгесе табылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев