Татарстандагы берничә машина катнашындагы юл һәлакәтендә бер кеше үлгән, икесе имгәнгән
Татарстанда бер кешенең гомерен өзгән һәм ике кешенең имгәнүенә китергән масштаблы юл-транспорт һәлакәте булды.
Татарстан Дәүләт автоинспекциясе хәбәр иткәнчә, кичә республиканың Лениногорск районында Geely автомобиле йөртүчесе тизлекне арттырган һәм каршы як полосадан килүче Renault, шулай ук үзе белән бер юнәлештә баручы «Лада» машиналарына бәрелә. Шуннан соң Geely йөртүчесе каршы як полосага чыга һәм икенче бер «Лада» һәм Volkswagen машиналарына барып бәрелә.
Каршы як полосадан килүче «Лада» йөртүчесе һәлак була, ә аның пассажиры имгәнә. Шулай ук Geely йөртүчесе дә төрле җәрәхәтләр ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев