Алабуганың дүрт предприятиесе юл кагыйдәләрен бозучыларның антирейтингына эләккән

Татарстан Республикасының Юл хәрәкәте иминлеген тәэмин итү буенча хөкүмәт комиссиясе (БДД) 2026 елның гыйнвар һәм февраль айларына йомгак ясады һәм Алабуга районының транспорт чаралары юл кагыйдәләрен иң еш бозган юридик затларны атады.

Бозучылар антирейтингы:

Предприятие исеме                    Бозулар саны
ООО «АВП ГРУПП»                      52
ООО «ЭНЕРГЕТИК»                     33
ООО «ПЛАСТСТРОЙСЕРВИС»   17
АО «ТРАКЬЯ ГЛАСС РУС»           14

ТР Юл хәрәкәте иминлеген тәэмин итү буенча хөкүмәт комиссиясендә билгеләп үткәнчә, кагыйдә бозучы компанияләрнең исемнәрен бастыру — ул профилактик чара. Юридик затларга юлларда иминлек өчен югары җаваплылык йөкләнгән, чөнки аларның йөртүчеләре коммерция һәм авыр йөк машиналары белән идарә итәләр, ә бу исә тирә-юньдәгеләр өчен куркыныч тудыра.

Ведомствода искәртәләр: юл кагыйдәләрен үтәү — физик затларның гына түгел, юридик затларның да бурычы. Кагыйдә бозган очракта штрафлар һәм административ йогынты ясауның башка чаралары каралган.