Алабугада юл-транспорт һәлакәтендә ике бала зыян күргән

Ике автомобильнең бәрелешүе нәтиҗәсендә хастаханәгә дүрт кешене китерәләр, зыян күрүчеләр арасында сигез һәм тугыз яшьлек ике бала да була.

Якынча мәгълүматлар буенча, Toyota Camry руле артында 21 яшьлек хатын-кыз каршы як юл полосага чыга һәм 32 яшьлек хатын-кыз идарә иткән Geely Monjaro автомобиле белән бәрелешә.

Toyota йөртүчесе, бу машинаның ике балигъ булмаган пассажиры, шулай ук Geelyның 30 яшьлек пассажиры төрле җәрәхәтләр ала. Барлык зыян күрүчеләрне медицина учреждениесенә китерәләр.

Дәүләт автоинспекциясендә ачыклык кертүләренчә, балалар автокреслосыз булган.

Моннан тыш, Toyota Camry йөртүчесенең машина йөртү таныклыгы һәм ОСАГО полисы булмаган.