Алабугада «Буыннар старты» конкурсында җиңүчеләрне ачыкладылар

Ярышлар Дәүләт автоинспекциясе оешуга 90 ел тулуга багышланды.

Конкурста шәһәрнең балалар бакчалары һәм мәктәпләре командалары катнашты. Катнашучылар юл хәрәкәте кагыйдәләре, юлда үзеңне куркынычсыз тоту һәм һәр җәяүлегә да, шофёрга да кирәк булган белемнәр белән бәйле биремнәрне үтәделәр.

Ярыш нәтиҗәләре буенча беренче урынны 5 нче балалар бакчасының «Успех» командасы яулады. Икенче урынга 2 нче гимназиядән «Веселая четверка» командасы лаек булды. Өченче урында 12 нче балалар бакчасының «Лидеры» командасы урнашты.

Максималь балл җыеп, Гран-прины 29 нчы балалар бакчасының «Приоритет» командасы яулады. Хәзер аларга Алабуганы конкурсның зона этабында тәкъдим итәргә туры киләчәк.

Барлык катнашучылар «Юл хәрәкәте куркынычсызлыгы» ГБУ тарафыннан файдалы бүләкләр алдылар.

Оештыручылар командаларны котладылар һәм мондый ярышларның балаларга да, өлкәннәргә дә юл хәрәкәте кагыйдәләрен үтәүнең мөһимлеген аңларга булышуын ассызыкладылар.