Алабугада 18 яшьлек егет машинасы белән кафега килеп бәрелгән

Алабуга Дәүләт автоинспекциясендә хәбәр итүләренчә, 18 яшьлек машина йөртүче 10 сентябрьдә машина йөртү хокукын алган. 14 сентябрь төнендә ул юл-транспорт һәлакәтенә эләгә һәм Нефтьчеләр проспектындагы кафе бинасына бәрелә.

Егет инспекторларга авариянең машина йөртү тәҗрибәсе аз булу аркасында килеп чыкты дип аңлаткан. Юл-транспорт һәлакәте вакытында машина йөртүчедә шулай ук рәсмиләштерелгән ОСАГО полисы да булмаган.