Уку елы башында укучыларга юл кагыйдәләрен искә төшерделәр. Караңгы вакытта машина йөртүчеләргә җәяүлеләрне яхшырак күрү темасына аерым игътибар бирелде.
Алабугадагы 2нче гимназиядә беренче сыйныф укучылары өчен «Засветись! Стань заметней на дороге» акциясе узды. Ул балаларның иминлегенә һәм юл хәрәкәте кагыйдәләрен үтәүгә багышланды.
ЮИД отряды әгъзалары балаларга яктылык кайтаргыч элементлар турында сөйләде. Аларны ни өчен фликерлар дип атауларын да аңлаттылар. Укучыларга мондый аксессуарларның караңгы вакытта машина йөртүчеләргә җәяүлене күрергә ярдәм итүе турында сөйләделәр.
Очрашу ахырында һәр беренче сыйныф укучысы үзенә фликер алды. Аны киемгә, рюкзакка яки башка әйберләргә беркетергә мөмкин.
Белем бирү оешмалары шулай ук Идел буе федераль округы проектларында, Россиянең «Белем» җәмгыяте чараларында һәм Россия Мәгариф министрлыгы ярдәме белән тормышка ашырыла торган «Балалар навигаторлары» федераль проектында катнаша.
Нет комментариев