Алабуга районында автомобильләре юл кагыйдәләрен иң еш бозган компанияләрне атадылар

Татарстан Республикасының Юл хәрәкәте куркынычсызлыгын тәэмин итү буенча хөкүмәт комиссиясе Алабуга районында юридик затларны — юл хәрәкәте кагыйдәләрен иң еш бозучылар исемлегенә эләккән компанияләрне атады.

Иң күп кагыйдә бозу очраклары «АВП Групп» ҖЧҖ транспортында теркәлгән — 262 тапкыр. Исемлектә алга таба «Нефтегазокомплект» ҖЧҖ (119 кагыйдә бозу) һәм «Алабуга» МИЗ ПТТ" АҖ (77 кагыйдә бозу) килә.

Шулай ук әлеге антирейтингка «АПК Продовольственная программа» ҖЧҖ (49 кагыйдә бозу) һәм «АФ Костенеево» ҖЧҖ (46 кагыйдә бозу) кергән.

Комиссиядә билгеләп үтүләренчә, мондый мәгълүматларны бастырып чыгару профилактика сыйфатында гына башкарыла. Юридик затлар юллардагы куркынычсызлык өчен аерым җаваплылык йөртә, чөнки аларның транспорты еш кына коммерция максатларында, шул исәптән йөк/пассажир ташу һәм җитештерү бурычларын үтәү өчен кулланыла.

Ведомство искәртеп үткәнчә, юл хәрәкәте кагыйдәләрен саклау шәхси йөртүчеләр өчен генә түгел, ә оешмалар өчен дә мәҗбүри булып тора. Ачыкланган кагыйдә бозулар өчен штрафлар һәм башка административ чаралар күздә тотылган.