Рөстәм Миңнеханов Тәтеш районы ветеринары Татьяна Спиринаны Бөтенроссия конкурсындагы җиңүе белән котлады
Котлауны ул МАКС каналында бастырды.
Татарстан Рәисе Рөстәм Миңнеханов Тәтеш районының 24 яшьлек ветеринария фельдшеры Татьяна Спиринаны «Һөнәре буенча иң яхшы» Бөтенроссия конкурсында беренче урынны яулавы белән котлады. Республика лидеры үзенең котлау сүзләрен MAX каналында бастырды.
Мордовиядә узган бәйгенең федераль этабында Татьяна ветеринария фельдшерлары арасында иң яхшысы дип табылды. Ул яшь булуына карамастан (24 яшь), әлеге өлкәдә инде 5 ел уңышлы эшли.
«Татьяна Спиринаны котлыйбыз. Мондый яшь белгечләрнең югары һөнәри дәрәҗә күрсәтүе бик яхшы. Бу җиңү яңадан яңа уңышларга башлангыч, киләчәктә профессиональ хезмәтендә зур дәрәҗәләргә юл булсын!» — дип билгеләп үтте Рөстәм Миңнеханов.
Белешмә: «Һөнәре буенча иң яхшы» Бөтенроссия бәйгесе «Кадрлар» илкүләм проекты кысаларында оештырыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев