Бу атнада Алабугада Березовский фестивале старт ала

Алабугада бу атнада Борис Березовскийның «Алабугада җәйге кичәләр» Халыкара музыка фестивале старт ала. Аны Алабуга дәүләт музей-ядкарьлеге үткәрә.

Фестиваль 9 июльдән 12 июльгә кадәр шәһәрнең иң матур мәйданчыкларының берсендә — Шишкин буаларында узачак. Программада төрле музыкаль юнәлешләр: симфоник классика, джаз, борынгы рус музыкасы, халык мотивлары, автор җырлары һәм Көнбатыш Европа композиторлары әсәрләре тәкъдим ителәчәк.

Сәхнәгә Борис Березовский, Башкортстан Республикасы дәүләт академия симфоник оркестры, Россиянең халык артисты Игорь Бутман җитәкчелегендәге Мәскәү джаз оркестры, Айдар Сәлахов, Игорь Лерман Камера оркестры, Татарстан Республикасы Дәүләт камера хоры, Сәидә Мөхәммәтҗанов, GAUGA, JIVE, Blues Doctors төркемнәре, фольклор «Мирас» җыр һәм бию ансамбле һәм башка катнашучылар чыгачак.

9, 10 һәм 11 июль көннәрендә концертлар сәгать 18:30да башланачак. 12 июльнең йомгаклау кичәсе — 17:00 сәгатьтә башлана. Барлык концерт программаларын Казаннан композитор, аранжировщик, концертмейстер һәм хор артисты Нияз Яруллин алып барачак.