Алабугада «Осколки трех времен» фильмын бушлай күрсәтәчәкләр

Алабугада «Осколки трех времен» нәфис фильмын бушлай күрсәтү булачак. Бу социаль проект, шуңа күрә тамашачылар өчен керү — ирекле. Фильмны 13 июльдә 18:40 сәгатьтә «Супер 8» кинотеатрында (Бруклин) карарга мөмкин булачак.

Фильмның идея илһамчысы — Алабуга блогеры Алмаз Магадиев. Картина узган ел Менделеевскида төшерелгән иде.

«Осколки трех времен» — драма һәм фэнтези жанрындагы фильм. Картинаның дәвамлылыгы — 92 минут. Яшь чикләве — 12+.

Фильмда буллинг, патриотизм һәм МХО темалары күтәрелә. Сюжет буенча, геройның 1943 елда вафат булган бабасының бабасына җибәрелгән хат көтмәгәндә җавап белән кайта. Тарих авыл кызын, лайклар өчен башкаларның тормышын җимерергә күнеккән малайны һәм сугышка китәр алдыннан аларны берләштерә алган укытучыны бәйли.