Алабуга укчылары Әлмәттәге турнирда дүрт медаль яулады
Ярышларда Алабугадан «Максат» клубының 24 спортчысы чыгыш ясады.
Алабуганың «Максат» клубы вәкилләре Әлмәттә «Каракуз» этнофестивале кысаларында узган традицион җәядән ату буенча турнирда уңышлы чыгыш ясады.
Ярышларда Татарстаннан һәм Башкортостаннан килгән укчылар катнашты. Алабуга данын «Максат» клубының 24 спортчысы яклады.
Яңгырлы һава торышына карамастан, катнашучылар төгәллек, сабырлык һәм ату осталыгы күрсәттеләр.
Ир-атлар арасында көмеш медальгә Сергей Сайбель лаек булды. Яшүсмерләр арасында икенче урынны Тимур Джумаев яулады.
Хатын-кызлар категориясендә Наталья Кучкарова җиңүче булды, ә Рәйсә Шәрәфетдинова икенче урынны алды.
Фото: Алабуга Җәмигъ мәчете
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев