Алабуга районында су кергәндә югалган ир-атның гәүдәсен тапканнар

Бессониха авылы янындагы Вятка елгасында 1975 елгы ир-атның гәүдәсен тапканнар.

Ул 22 июльдә су кергән вакытта югалган булган.

5 нче зона эзләү-коткару отряды коткаручылары суга баткан кешенең гәүдәсен кичә иртәнге 9:50 сәгать тирәсендә тапканнар. Гәүдә ярдан алты метр ераклыкта, якынча дүрт метр тирәнлектә булган.

Судан чыгарганнан соң, аны полиция хезмәткәрләренә тапшырганнар.

Һәлакәтнең якынча сәбәбе дип суда куркынычсызлык кагыйдәләрен үтәмәү аталган.

Фото: Россия Гадәттән тыш хәлләр министрлыгының Татарстан Республикасы буенча Баш идарәсе