Бүген, 30 июльдә, Алабугада XVIII Бөтенроссия Спас ярминкәсе эшли башлый.
Быел бәйрәм беренче тапкыр дүрт көн буена, 2 августка кадәр дәвам итәчәк.
Ярминкә Пролетар урамы, 1е адресы буенча урнашкан шәһәр ипподромы территориясендә яңа иркен мәйданчыкта оештырыла.
Беренче көнне сәүдә рәтләре 9:00 дән 19:00 гә кадәр ачык булачак. Кунакларны декоратив-гамәли сәнгать, халык һөнәрчелеге осталары эшләнмәләре, профессиональ артистлар һәм фольклор коллективлары чыгышлары, балалар аттракционнары, ресторан ишегаллары һәм ваклап сату көтә.
XVIII Бөтенроссия Спас ярминкәсен ачу тантанасы 12:00 сәгатьтән 12:40 сәгатькә кадәр ипподромның төп сәхнәсендә узачак.
Шулай ук 9:00 дән 18:00 гә кадәр Алабуга дәүләт музей-тыюлыгының музей-күргәзмә объектлары эшли. Ярминкә программасы Алабугада 2 августка кадәр дәвам итәчәк.
Нет комментариев